茶樹 • 寵愛《 20 》

「歡迎收看晚間身痕，以下係詳細嘅身痕內容......

市區蟲建局決定將茶樹之家重新規劃，
負責呢次工程嘅「放牧貓」表示，
睡牀嘅原材料係一件精美嘅聖誕禮物籃，
而樓梯係利用三個廉價膠兜組合成，
再用可愛動物圖案嘅花布包住，供茶樹上落，
一座全新嘅茶樹豪華別墅就咁誕生。
我哋睇吓茶樹對新居嘅睇法......

茶樹：「我對空間設計要求好高，如果整多盞水晶燈就perfect啦。」

茶樹：「條樓梯我好滿意，夠晒寬敞，訓係度都幾舒服，可唔可以都叫馬時亨嚟幫我測試吓.......」

茶樹：「嘩...舒服到哩...」



睇吓另一則身痕，今日係茶樹首次打針嘅大日子，
茶樹完全不甘安坐袋中，等的士中途不停捐出捐入。

進入診所，茶樹父母放佢係大鐵枱上面等周醫生檢查，
點知茶樹突然沿枱邊快跑，差啲就跌落地......
好彩周醫生及時捉住茶樹，阻止咗意外發生。
周醫生搖搖頭表示：一定要睇實佢㗎，咁高跌落去實斷骨！
茶樹父母驚魂未定，全程用雙手捉住佢唔放。
之後周醫生幫佢打針，茶樹微叫之後回覆平靜。
茶樹父母表示決定暫時都唔比佢喺高處玩，例如係梳化。

茶樹：「都叫你哋早啲落樓啦，又要打的......」



伍晃榮交比你講體育.......」