茶樹 • 寵愛《 11 》

「大家好，我叫做「茶樹」，今年10月15號出世。
點解叫番我做「茶樹」，因為對佢嚟講好似話有特別意義，
「茶樹」都幾好聽呀，幾襯我㗎都，成個日本妹名咁。

今日第一次過海，諗番都幾開心，不過要坐前老豆㗎威猛電單車，
由太子殺入銅鑼灣，喺個狗仔袋到搖到我頭暈暈。

前老豆帶咗我去間茶餐廳見新老豆，我坐車驚得滯咪係咁震囉。
新老豆我之前見過啦，我知佢原本係想攞我另外一個姊妹，
不過之後唔知點解揀咗我，以為個傻佬實對我麻麻地啦，
點知佢個望住我個眼神又鬼咁誠懇，我希望我無過錯海啦。

上到新屋企，原來老豆已經預備咗個豪宅俾我。
我初初梗係唔慣啦，之後佢哋同我係咁玩，
我都好開心，新老豆笑到成個陳方女生咁，
仲攞部相機係咁同我影相。

之後抹乾淨地板，就放咗我出嚟地下玩，
我施展咗幾吓「超可愛小跳豆」，佢地就笑到哩...

唔知將來會點呢？我諗呢度都係一個好地方，
希望同老豆佢地快啲熟，開開心心咁生活。

我訓啦，早抖。」