不日播出的鏗鏘集

獨自一個人外出，如不是在看書打機發白日夢，
無論刻意與否，總會留意到一點身旁的人和事。

銅鑼灣平日車水馬龍，但當過了凌晨時份，
街道回歸平靜，一些日常足不出戶的人，
就如熱帶森林的夜行動物一般，紛紛外出走走。

我所指的，當然不是古惑仔一類。

我看着他們，大多都神情呆滯，百無聊賴、
或是有一些乍看之下普通不過，回頭過來，
卻發現他反覆做着相同的事情數十次...
在這區居住好幾年，初時不以為意，日久之下，
心中盤算，發現為數原來不少。

有位婆婆身材瘦小，留着一頭長長白髮。
每次看到她，都總是挽着洗衣店的大膠袋，
而且袋中有袋，左右手各有兩大個。
又不知載了什麼重物，走起路來十分緩慢，
曾有一次她力有不逮，要走到前頭先放下一半，
再回首挽走餘下的。每次見到她都是如此，
當真袋在人在。

又有位女士長髮及腰，年若40過外，
是通宵營業麥當勞的常客。每次看到她，
都必是全頭微濕，點了食物卻又不食，
交叉手臂，就在座位上不停「釣魚」。

除了快餐店，無休的超市也是熱門勝地，
我有時深宵到超市補貨，見到一名男子提着背包，
把貨架上不同的物品如數家珍般逐一察看，
卻又不是在購物，由我進入超市到離開，
他的動作及位置始終如一。

還有在衣服內塞滿東西，拉着雜物的女子、
在遊戲機中心整天喝着可樂傻笑的肥伴青年、
呆站街角不停望着行人的中年女人...。

他們沒有在街上大吵大叫，亦從不擾人，
只是在街上把自己的行為重覆着。
想起他們，腦內響起鍾景輝旁述的聲音：

「究竟係咩原因，令到哩班人喺晚上走到街頭㗎哩？
佢地又有無屋企同埋家人㗎哩？係咪因為生活壓力，
或者家庭問題令佢哋作出哩啲行為㗎哩？
而社會，又有無留意過哩一班被忽視嘅一群哩？
下一集返嚟再探討...」

當我想起你

哩幾日見到啲事，諗起啲人...

有人係魚子醬。
天生萬千寵愛。未出世已備受重視，
所有潛能都會得到全面啟發。

有人係i Pod。
一出場就殺晒。人見人愛車見車載，
機會比你往往多幾十倍，甚至幾百倍。
你用十年都達不到的目標，她一下攪掂。

有人係過期萬能膠。
一味靠黐但能力欠奉。見高即拜見低即踩，
但係某日發現你原來同佢已經平起平坐，
態度自然會180度改變，你仲以為認錯人。

有人三種都唔係，寫咗哩篇Blog...囉！


茶樹：「有人係海風，成日都吹水...呵欠...」