茶樹 • 寵愛《 39 》

「我叫大頭星，四歲大。」


「我叫茶樹，四個月大。」


大頭星：「你咁細粒，點解唔食多啲嘢呀？我餵你啦。」


大頭星：「咦！突然間唔見咗佢嘅。」


茶樹：「我有睇開prison break，呢啲籠阻我唔到嘅。」


大頭星：「嘩！乜原來你咁肥㗎。」
茶樹：「唓，你個肚腩仔夠成個b字咁囉。」

茶樹 • 寵愛《 38 》

打針前

茶樹：「Ha Ha Ha Ha...！」


打針後

茶樹：「Ha Ha Ha Ha...！」

茶樹：「Ha Ha Ha Ha...！」


茶樹：「Ha Ha Ha Ha...！」
茶樹老豆：「知道打完針可以落街玩都唔駛笑到咁樣衰呀嘛！」

茶樹 • 寵愛《 37 》

茶樹：「咦！正喎，哩度有嘢索喎...我索吓先！」
阿懵：「係新貨嚟喎！純度好高...正！」

茶樹：「索...索...！」
阿懵：「一啖食晒，好味！」


茶樹：「其實...係點食㗎呢？」
阿懵：「鄉下妹！」


阿懵：「咦！有皇氣喎...你兩隻嘢點睇水㗎！」


「你話睇水啫，無話要通知你喎！」


阿懵：「阿sir俾次機會呀，搵食啫...」
茶樹：「阿sir，我係卧底嚟，編號9394！」


阿懵：「Madam唔好搵大枱燈照我呀，我下次唔敢囉。」
茶樹：「Madam，都話我係卧底嚟，編號9394！」


>皮蛋：「其實，我先至係卧底。」
阿懵：「你好嘢，山水有相逢！」
茶樹：「Madam，我真係卧底嚟，編號9394！我根本乜都無食過...」

茶樹 • 寵愛《 36 》

摩打：「zzzzzz」

阿Be：「zzzzzz」



茶樹：「老豆，你唔好話俾我知呢度其實係阿貓地攤......」



茶樹：「終於讓位俾我啦咩，玩過鬥獸棋都知我大過你㗎啦！」



茶樹：「老豆我好眼訓呀，呢盤棋不如當打和，你過去玩住魚蝦蟹先啦！」



又下回待續...

茶樹 • 簡愛 ( 10 )

不要笑我，在我年幼時，我曾以為全部上電視的
藝人都不存在，所有演員都是由一般人戴面具假扮的，
只是在電視上看不出來，而且我將此理論告訴當時
比我年幼的妹妹，不肯定她有否信以為真，只記得
那一刻她沒有反駁我。

大約幾年前，媽媽叫我代她跟公公說明清楚一件事，
因為她已廢盡唇舌，公公仍不相信她。
就是：「天線得得Ｂ是由人扮的，不是真的。」

公公除了練字，也愛看電視，不是隨意望望那種，
就算是兒童節目也好，他真的會留心看。在他的世界，
他知道卡通片，明白幪面超人一類的特攝片，不知為何，
公公就是覺得「天線得得Ｂ」，係真有其Ｂ。

有一次到灣仔探望公公婆婆，突然想起此問題，
向身旁的公公道：「天線得得Ｂ係假㗎公公。」
公公眉頭一緊：「假嘅，無理由呀，自己會行會走，
點會係假呀。」我也不知如何解釋，便再說：
「其實佢哋喺由人扮嘅大公仔嚟，你喺電視睇唔覺啫。」
公公大感不惑，媽媽已插咀：「係咪呀，都話係假啦！」
公公想信我，但又帶點疑惑：「假？喺草地走嚟走去㗎喎。」
此時我知再說什麼也沒用，因為公公已認定了他們的真偽性。
公公沒有跟我爭論，反而大笑着：「係咩，唔係真咩，
咁真嘅......哈哈......咁真嘅，真係好真喎......」

公公笑着，很可愛的，就如一個小孩子。


「我哋假假地都係真嘢嚟㗎！」

茶樹 • 寵愛《 35 》

茶樹初次去蒲，心大心細從「走狗袋」躍出，
立即招來一眾動物圍觀...嫩口確係搶手啲嘅。


阿Be：「妹妹好生面口喎，仲怕怕羞羞咁，出嚟玩放啲呀嘛！」


摩打：「望嚟望去都睇唔真你個樣，你係咪重慶嗰邊過嚟㗎？」



Elliot：「小姐，Check ID。」
皮蛋：「阿Elliot你近視就帶眼鏡啦，你襟住嗰個係我呀。」
Elliot：「oh...我借啲咦啫。」


嚦咕：「有新女上場喎，不枉我晚晚俾幾舊水入嚟坐。」


摩打：「未成年我無興趣，我都係睇住個市先。」


摩打：「慘啦，個市係咁跌，我要翻身，我成個押上去呢條魚度！殺呀......!」


茶樹：「老豆，你帶咗我去邊呀，全部都未見過嘅。都係攞個free drink嚟飲吓先啦。」


下回待續...

茶樹 • 寵愛《 34 》

茶樹已經打了兩支預防針，只欠一支便「攞正牌」去街。
大年初三適逢友人「鮑魚」家中開局，便帶茶樹前往開開眼界。
特別的是，茶樹同胎的兄弟也會在場。

等我為大家介紹現場的「派對動物」。


貓女阿Be：「有事啟奏，無事退朝！」


貓仔摩打：「Ｉam king of the world...zzz...」


神秘黑貓：「我強烈要求籠屋加裝高清電視...」


大狼狗Elliot：「一睇就知我係受過訓練嘅紀律部隊啦，你睇我有『冧把』㗎。」


拉布拉多狗女皮蛋：「有我守住，邊個夠膽枱底交易。」


Toy Poodle 攣毛仔：「我條Lee工人褲幾正。」


訪客一
Toy Poodle 嚦咕：「我都唔知邊個剪到我啲毛毛咁短？」


訪客二
茶樹姑娘：「我第一次去wet咋，多多指教！阿Edison唔係度我就放心啦。」


訪客三
阿懵：「我就喺同茶樹一胎生嘅兄弟呀，我唔眨眼個個都以為我係入電芯㗎。」


「個零月大影過一次相，而家就快四個月大㕸，大家都大咗好多囉！」
茶樹：「咁我係咪好快青春期㗎啦？」
阿懵：「我只係鍾意思考啫，唔係真係懵囉...咦，隔離呢位小姐做咩黑蚊蚊，洗洗面好喎！」



各Party Animals實況下集報導。