茶樹 • 寵愛《 61 》﹣ 茶樹新知

諗住茶樹已經大定，近期我先發現，
係佢身體同行為上，原來不斷有啲小改變。

以前全黑嘅佢，兩隻後腿上嘅「雞髀」位，
生咗好多白色嘅毛，都是剪咗短毛後先知道...
我就諗：有一日，茶樹會唔會全隻變咗灰色哩？
因為佢阿爸阿媽係一黑一白...

茶樹淚線出奇發達，我晚晚都幫佢抹面仔，
但係都仲有大大粒眼屎。而且啲凹咗落去嘅牙仔，
真係好鬼啡...

佢有一輪好鐘意上床瞓，最近整整吓又唔制，
係床玩一陣都係要落番床...其實都好，
咁我唔駛係床硬晒駄怕整親佢...

仲有最勁嘅係...

佢唔知點解，好鍾意嗬尿係尿片底，
注意佢唔嗬係地下或者塊膠板底喎,
而係尿片同塊板之間。有幾次我換片，
揭開先知裡面有一大篤...

我懷疑因為而家佢太肥，或者懶咗，
唔行正中間就嗬...總之古靈精怪！

唔通佢開始步入青春少女嘅反叛期？


茶樹：你而家叫數我啦喎！你唔係度邊個幫你睇住頭家吖吓...！