今日睇新痕報告，真係睇到我好開心...
中國：
一向給我的感覺都是笑容可掬，大方有禮，
充滿無窮智慧的溫總，他探訪受大雪影響
而斷電的災區，他對着居民緩緩地道：
「等待電接通了（停頓1-2秒），照明...就沒問題了。」
台灣：
老實講，我已經麻木，一時又話貪污
一時又話無辜，總之攪笑啦。
香港：
警務處助理處長黃福全：「就算唔係源頭，
都非常接近源頭！」我心諗，咁高調拉咗人，
如果佢唔係源頭，真兇仲會唔會咁笨仲放啲相
係電腦等你嚟拉呢？定係警方根本無方法肯定源頭係邊度，
見一個拉一個就算？定係有其他神奇方法呢？
仲有每日有咁多人發放咸相，點解只係拉呢單野嘅發相人呢？
係咪因為係明星呢？定係因為日日上頭版所以就咁高效率。
如果人人都講普選，講到日日上頭版，
會唔會無需要等到2017已經有普選呢？
扮演Ｌ的日本演員松山研一來港宣傳新片，
真係有記者問佢淫照事件點睇，我又諗：
「點睇啫！咪用眼去睇囉。」
係咪無嘢好問？
真係窮人含能。
No comments:
Post a Comment