波係要嚟打嘅

大約六年前，朋友Alex送了一個「強勁」籃球俾我，
有幾「強勁」，該隻籃球係名牌子「SPALDING」，
而且有專利發明：內置氣泵。

所謂內置氣泵，意思係正常泵波個窿之外仲多咗一舊膠粒，
只要輕輕按下一扭，小型氣泵自然彈出，非常方便。
起初個波彈力十足，真係要幾彈有幾彈，但係最近「重光」，
發現點泵都係死氣沉沉，睇嚟我已經錯過咗佢最彈手嘅日子。
再睇睇自己嘅身形，一樣死氣沉沉，不禁有點唏噓。

最近號召波友齊齊波地集合，我又買晒新波鞋咁，
諗住重拾昔日雄風。不過硬件裝備完善，
我自身副軟件出事，一路打一路手軟腳軟，頻頻喘氣。
回想以前晚晚早收工，食飽飯，剩係袋廿蚊同身份証
就殺去西區公園打足一晚波，熄埋燈仲要係足球場
跑十個圈先返屋企，當時真係健康到「無朋友」。

我諗，真係要操番好啲體能。因為打籃球令我好似
返到中學咁，感覺好特別，好真，連笑都好似開心啲！

希望班波友唔好三分鐘熱度啦。

( 特別鳴謝水晶女仕代為入手Nike Jordan一對，正晒！)



茶樹：「老豆你成日食宵夜瘦鬼到咩，打波又無技術又無氣。」


茶樹老豆：「哎吔！你食我嘅住我嘅你數我！」
茶樹：「Sorry Sir...」