好時光

不論是有心或是無意，只要還活着，
我們每天都為自己的人生描繪着新畫面。

昨天晚上，有一位靚女（哈哈！），
把自己的成長故事，由衷的向我娓娓道來。
雖然我不是保險經紀，但我很專心地聆聽着。
在短短的一小時裡，就好像打開了時光隧道，
跟她一起回到從前的那一天...

她精靈的雙眼在流動着，我的耳朵也全開，
專注地接收着每一個細節，感受着每一個情感。

然後...

明白了她的生活，聽到了她的成長，
知曉了她的經歷，窺探了她的內心。
遊歷了一次她人生一個很重要的部份。

很久也沒試過，因為聆聽而被掀引着情緒。

對我來說，這是一次既難得又珍貴的好時光。
我珍惜的，是這份因被信任而分享的感覺。

跑步機上

眾所周知，愛情曾經是條長跑路。

過程離不開相識、相處，然後了解再相愛。
每個階段，都需要花一定時間...

如果是認真的話。

時而世易，愛情已不再屬於長途項目，
很多感情，緣起到緣滅，可以濃縮得很。
城市太忙、人們太忙、節目太多、選擇太多...
兩個人走在一起，變得容易又普通，
既不珍貴，亦無需珍惜。

不過，易來易去的感情始終不是主流，
再愛玩的人，都總有落葉歸根的時候，
雙腿，便從花花世界，安份地回到跑道上。
此時才驚醒，跟別人的感情相比，
你，原來走錯了很多冤枉路。

可惜的是，就算有人一開始就專注地跑，
卻又不見得一帆風順。

說來說去，原來都是摸不着邊際的道理罷了。
所以下次去跑的時候，情願別用常理去分析，
或用經驗去愛，而是用心去感受，去觀察。

既然是跑，就別只在跑步機上發足狂奔，
因為任你再努力，原來，都只是原地踏步...

身邊的風景，都不曾改變過。

找一條真正的賽道吧。

感激我遇見

無論係倫理大悲劇，定係勵志大電影，
都唔難聽到一句對白：

「我要每一日都過得充實又有意義！」

活得有意義，實在談何容易吖！
何況咩叫做有意義，人人都有唔同諗法。

咁大個人，又點會唔知平日得閒嘅話，
應該去做啲咩先對將來最有益，
不過人係有惰性嘅...天氣凍啲、攰啲、
以至無乜Mood，都係一個好理由去懶佢一懶。

通常直到年尾先知衰。

好彩，哩幾日有人肯不厭其煩咁提住我！
最重要，係你本身真係會聽佢講喎~~

其實，無人有義務為別人嘅人生而緊張，
每一個人，都應該為自己負全責。除非，
佢係你父母或者長輩...

所以，自己好感激佢，更想自己做得好啲。
何況最終得益，都係自己。

好想keep住哩種感覺，等佢成為習慣！
令自己每晚瞓前，都為自己活得充實而開心。

好多謝成日提點住我嘅人~
thanks a lot~

好定唔好...都好！

哩個世界就係咁，有時你勁溫書咩，
考試結果都係肥佬；你求鬼其話之你咩，
又俾你合格過到骨...

又或者咁講，你對一個人好好啦，
起初發覺嗰個人又對番你好好咁，
咁大家好嚟好去自然好開心啦，
又突然，佢對你又唔係幾好，噢！
咁你自然又勁唔高興啦咁，之但係，
你又keep住對佢咁好，都唔知為咩㗎，
總之付出唔係望有咩回報啲老土嘢啦，
哈！咁整整吓，其實自己又開心番！
久而久之，大家又好似以前咁開心。

咦！我係度講乜春呢？

老土講句：謀事在人，成事在天。
無論係點，不如同自己個心傾吓計，
順住感覺而行。

多謝。

Planning唔駛扮型！

放假，唔一定要日日去玩先叫開心，
今年剛剛開始，我靜靜哋一個人係屋企，
打開電腦，諗諗自己來年想有咩發生。

自己都有番咁大個人，唔會再純粹為plan而plan，
又或者定立太大太遠嘅目標，到頭來做唔到，
反而仲頽。不如實際啲，同自己傾吓計，
問吓自己真係想點。

好快，我就將8件想做到嘅事定好，
咦！但係仲差2件事先夠10大喎，
唔緊要，來日方長...

我唔打算公開自己定咗啲咩大計，
因為的確唔係啲咩咁驚人嘅大事，
只係如果真係做到，自己會好開心。

為自己開心而努力，已經好夠啦係咪。

努力啦咁~

TOP 9@2009

快到年尾，傳媒力谷推選年度十大要聞。
如果對時事興趣欠奉，不妨掉轉槍頭，
為自己找找年度十大。

我先在電腦開一個新檔案，靜默一會，
然後雙手放在鍵盤上，嘭嘭嘭打起字來。
心想整整一年過去，記起十件要事何來難度。
可惜，極速輸入原來只限頭五件事...

我的手指，開始緩慢起來。

打了兩個字，心裡突然感到不對勁，
移除、再打，又覺不妥...及後又錯又改，
第六件要事始終猶豫未決。

連忙翻閱日誌，發現真正感到很重要的事，
不出六個。心想：是我的標準太高了嗎？
還是我的記性太差？最後只得稍為降低要求，
幾經思索，終能找到九件事情值得入榜...

不禁自問：我今年...枉過了嗎？

幸好今年並未完結，我心裡已有些計劃，
如果進行順利，的確可以趕及今年的「年度十大」，
為今年劃上完美句號。

其實，有沒有十大也沒所謂，二零零九年，
有九件大事也很不錯！

開心最要緊！

hi~我係2009狗狗茶樹！

離開摩天輪

這是一個似是而非的夢...

在煙霧迷濛的環境中，我一直向前走着，
輕風吹開前路，才知道我站在遊樂場的入口。

巨大無朋的摩天輪，傲立在廣場正中央，
一隻花豹走過來，帶領我往中心走過去，

摩天輪緩緩地轉動，我輕輕打開倉門，
安靜地坐下...心裡有點興奮，又有點不安。

視線伴隨摩天輪而上升，緊張的心情，
亦因美麗的風景而快樂起來。不一會，
摩天輪帶了我到最高點，我的情緒如是。

有一刻，我真的以為，眼前這片天空，
永遠都是屬於我的...

然後，摩天輪下降了。

我的雙腳再次着地，哀傷的感覺彌漫我全身，
抬頭望向一點不動的摩天輪，它彷彿在告訴我，
快樂旅程經已完結。

我帶着遺憾，記着美好的風景，深深吸一口，
勇敢地往出口走去。

沉澱

要做好一件事，先要一個原因；而且，
那個動機最好是自發的。

最近在構思一個故事，主題及方向俱備，
可惜，獨欠靈魂。

人沒有靈魂是死，故事亦然。

最初明明興高釆烈的開始，實行之際又裹足不前。
我並非不想去做，但事實上又不急不來，
當一件事太多人參予，你總不能馬虎了事。

哈！很好的一個狡辯理由。

每天世界發生這麼多事情，沒有時間去觀察，
便難有體會；沒有體會，更惶論要表達什麼。
其實最近感受良多，只是沒有靜靜地去思考和消化。
所以這陣子很想去旅行，無論是什麼地方都好。
從前那些忙如奴隸的所謂生活，想起也怕...
不是怕忙，是因為實在沒有意思。

其實能在假日發呆，也可以是件樂事。
有一天我呆夠了，把感受沉澱得夠用時，
要阻我也阻不住。

希望不會太久。