茶樹 • 簡愛 ( 1 )

我問：「舅父，其實阿公係咪香港出世㗎呢？」
「唔係…阿公係內地走難嚟香港㗎。」
我再問：「咁阿公係幾多歲嚟香港同埋係咩鄉下㗎？」
「我諗十至二十歲左右落嚟啦，鄉下是順德。」
我又問：「咁阿公間士多總共開咗幾多年？」
舅父一時答不上，此時母親剛好靠近，便向她求證。
「十幾年啦，之前又唔問阿公，而家先嚟問番轉頭…」
母親平和地回答。

是的，為什麼之前沒有去問呢？
是無時間，還是無心！

我停止發問，腦裡反思之餘，心裡很想知道更多
關於公公的生活事。我雙手不停把元寶及冥幣向火爐投去，
眼睛卻望著公公的遺照。