叻？

記得XBox那支得獎廣告嗎？還有那句tagline:

"LIFE IS SHORT, PLAY MORE!"

人生的確苦短，不過如果你是個死窮鬼的話。
每日為口奔馳已花掉你大部份青春，要PLAY MORE，
也許只有那些有錢佬才有資格。

人愈大，發覺最惡的人不是黑社會，而是有錢佬。
很多有錢佬基本上都有點地位，不過未必有品。
他們多數都自我中心，而且目中無人。
他懂你不懂的，便是你無品味，是你自己無知。
更嚴重的，是他們會直接講出口讚自己見識廣博。
作為後輩，我差點把心裡那句脫口而出。

「真係叻嘅話，係人哋讚唔係靠自己講嘅！」

茶樹 • 簡愛 ( 14 ) - 逝

今夜，窗外仍刮着雨。

電影「奇幻逆緣」裡，在相似的天氣下，
風燭殘年的女主角，躺在病床上緩緩引導女兒，
翻開她那一段刻骨銘心的陳年往事...

婆婆彌留之際，雖然沒有旁白交代她的前半生，
但腦裡會自動把零碎的舊片段，不斷地重組播放。
想起婆婆房間裡有張極漂亮的黑白少女相，
以及其他陳舊的大合照...

另外房中的窗戶對着山，我兒時無聊，
常會走到窗前，突然對着山大叫一聲，
然後立即蹲下躲着，聽着自己的回音，
便自鳴得意地笑...

諸如此類，很多畫面都在腦裡浮現。

婆婆不識字，最大的功夫便是照顧家人，
不是怕這個未飽就是擔心那個在凍着，
記得晚飯時間，她把飯菜煮好，大家都開始起筷，
婆婆卻靜靜站在旁邊，預備給人添飯或什麼的。
有時力勸她一起吃，她才老大不願的吃上兩口，
又全神貫注留意着誰要加湯。

婆婆就是如此一個人，一個大好人。
她活了九十三個年頭，一生都為別人着想。
她如今走了，才埋怨自己太少去探望她...

記得這個blog的開端，便是公公過身之後不久，
如今，他們兩老能再次走在一起了。

婆婆！請放心，我們長大了，你便好好休息罷！

我會找妳聊天的，就在我的心裡。

乖

眾所周知，茶樹出咗名勁乖，
佢最大嘅攻擊技只係用條脷仔舔吓你，
其他一律欠奉。總之係有狗蝦佢無佢蝦狗，
一比大狗追就反肚投降...

禽晚同CM加埋DJ Ming喺九龍打邊爐，
DJ Ming帶埋我聽聞多時嘅「阿妹」出嚟，
「阿妹」係一隻兩歲Toy Poodle狗女，
乖到不得了。我哋膽粗粗帶埋佢入座，
佢乖乖地坐係位度，又無係咁琴上枱聞啲食物，
又無吠個一聲。我喺對面坐望實佢，
佢眼神不知幾咁善良，攪到我講咗自養茶樹以來，
第一次講嘅說話：「我第一次見到有狗，
無論眼神加埋個樣，都乖過茶樹！」
同「阿妹」對照，茶樹喺我心目中，
應該仲要古惑一啲。

真係想帶茶樹同「阿妹」玩，睇吓
會唔會首次見到茶樹蝦人哋哩？！

實驗証明，都係狗女乖啲...


阿妹：「唔郁唔郁唔郁！」

阿妹：「我係玩具我係玩具！」

茶樹：「姐姐仔，俾我見到妳妳就知...」

茶樹 • 簡愛 ( 13 ) - 剪

上星期六晚，一行七人在旺角集合，大搖大擺
前往位於大角咀的Kiseki Workshop拍攝。

是次比賽，只需遞交半分鐘的錄像並附上劇照便可，
最初滿以為三個小時一定足夠拍攝有餘，
但調較好燈光化好妝，時針已跳了一整格。

由於我的心態為玩票性質，志在找個題目熱身，
事前很多過場細節沒想通透。（當然有很多部份，
到正式拍攝時，才發現自己沒有好好想清楚）
除了自覺集中力不足夠外，腦筋不是最在狀態，
另外也有不少變數，以為很易拍的原來好難，
難拍的又反為極順利...

儘管如此，那夜還是在爆笑聲中完成拍攝，
可是，我在回程的車上，望着後退的街道，
腦裡已想起自己漏拍了好幾鏡，真失敗。

從我在地鐵的廣告得知有比賽，到進入後期階段，
真的有點不相信，自己正一步步確切地實行着它。
今次不是因為要交功課要畢業，而是真的為興趣，
這點令我更感難得。

幸好那天致電給Ricky，他沒有一口拒絕我的請求。
只靠我一個人必做不來的，所以，有拍檔真好！

接着，還有十多天，好好剪接吧。

感謝各方出力友好，我會補派飯盒給大家。

茶樹 • 簡愛 ( 12 ) - 切

在中國，四川大地震一週年剛過去，
很多傷者雖然殘缺，然而在心靈上，
都已重新站起來開展新生活。

在日本，有本一年才出版一冊的漫畫連載中，
是井上雄彥老師的作品，名叫「Real」，
故事以輪椅籃球運動為骨幹，講述不同程度
傷殘人仕們的奮鬥過程，真實又感人。

在我家，婆婆終於因為右腳血管壞死了，
要把右膝以下的腳部切除，手術亦剛完成了。
血濃於水，心裡總是很難過。

婆婆近幾年行動不便，早已坐多於行。
前陣子到婆婆家裡探望，她因太痛太辛苦，
不時說「唔要隻腳啦...好痛吖！」如今，
已成為了事實。

婆婆少了一條腿，但願痛楚也伴隨消失，
婆婆那親切的笑容再現。

如今便出發去探望她。

樂

「人生有幾多個十年？」柴九問喎...

「我已經過咗三個有多...」

咁大個仔，自己鍾意食乜着乜做乜又點會唔知。
以前做嘢忙到嘔，有咩想做想攪都得個諗字，
整整吓，最後索性諗都唔諗。

好耐之前有一份工，時間幾穩定，
突然上進心起，讀咗兩年夜間多媒體課程，
今時今日，好多內容都已經連本帶利俾番阿蛇。
不過當時有一堂我超鍾意，就係「剪片」課程。
教得剪片，當然會教埋拍嘢。

就係哩個科目，令我認識好幾個同班老死，
為咗份功課，成班傻傻吓係人地屋企喪拍，
又霸住人地大廈部電梯係咁拍，又拍撞車，
係街頭用晒血漿，反光板拍足三個週末。
然後晚晚收工一齊剪片...哩段美好時光，
絕對可以入選我人生最十大最開心事件。

多年之後當然都會成日諗番，又攞番條片回味。
不過回味得多，都有啲悶悶地。個零月前一晚放工，
係見到地鐵電梯有個EC廣告，原來係個短片比賽，
用三秒時間記住網址，上網一查，發覺玩得過，
打番電話俾啲師兄弟，大家都話有興趣，
二話不說拿拿聲度故事搵地方，如是者...
哩個禮拜六晚開拍啦。

我地當然只係屬於玩票性質，或者係自娛，
所以無諗輸贏，最緊要係所有參予人仕都開心，
何況預備過程都已經好好玩，係發自內心嘅喜悅，
真係有錢都買唔到...

所以話，開心同浪漫一樣，係可以自製嘅！
好彩當初有辭咗果份無日無夜嘅工啫~~

期待拍攝當晚，我講果句好耐無講過嘅：

「Camera Ready... Action！」

煩

無論是否情願，隨着時日同步增長的，
除了脂肪外，還有一種東西，名叫煩惱。

若不是生了意外，又或是年老痴呆，
大腦是個無須用電，永不當機的記憶體，
無論發生在多遙遠的時空，事件愈大，
印象往往愈深，每次想來都言猶在耳，
歷歷在目...

無法避免，我們都被陰霾覊絆着前進。

茶樹 • 簡愛 ( 11 ) - 痛

每個人，都會死。
只是，不是每個人都會老。

婆婆很老，老得什麼都記不起了，
有時呆呆看着你，然後叫你三次錯的名字，
有時怕餓壞了你，每隔十多分鐘便問你吃飯未？

婆婆很好，好得什麼家務都爭着要做，
做得連手指都彎了，因為婆婆要先用手洗，
才再用機洗。

婆婆有很多拿手小菜，分別有憑那個汁便可送上
幾碗飯的鹵豬肉、還有清熱解毒的去濕粥等。

婆婆九十三歲了，自從跌倒後身子一直不好，
從此便不良如行。而且她膝蓋關節會痛，
加上腳趾的傷，整天都會痛。

婆婆終日不是坐着便是睡，雙腳血氣不活，
右腳尾趾受傷又良久不好，最終便壞死了！
今天洗傷口時，被醫護人員安排入醫觀察，
或許要切除腳趾。

今晚去醫院探望婆婆，她向來神心得很，
在太痛的情況下竟雙手合十，向神明祈求。
在病牀邊看她迷迷糊糊地痛着，精神很差，
我心也在痛。

很希望婆婆手術順利，從此能減輕痛楚。