茶樹 • 寵愛《 52 》﹣ 全線清拆

咦！點解倒數到第4天，突然一跳便去到拆線...!
唔，就當係後期睇片咁，開頭通常倒數由十數到四，
之後就會黑咗畫面直接去到條片。咁囉，嘻！

望穿秋水，今早終於帶茶樹去拆線。因為Dr. Chow放假，
檢查及剪線由Dr. Ian操刀。等咗四十五分鐘終於到我。入到房，
Dr. Ian首次見茶樹，便說：「Hey, little monster...」
原來唐人鬼佬都好，都覺得茶樹似小魔怪。之後為牠檢查傷口，
確診無誤後，輕快地剪咗三刀，禮成。

茶樹由活動枱燈變回精靈小魔怪。

這十天來，每次茶樹想玩玩具，都只能如鏟泥車般鏟呀鏟，
如今牠可以直接咬住獵物，任意地拖着它們狂奔。
看見茶樹生猛晒，我跟牠同樣開心。


茶樹：「 我要咬嘢...我要咬嘢...」


茶樹：「 嘩！我咬！」


茶樹：「 殺呀！」


茶樹：「 好攰，抖吓先。」