估佢唔到殺人犯

先旨聲明，想睇而又未睇嘅，千祈唔好睇落去，
小弟唔多唔少會穿少少穚！

我要講嘅係電影「殺人犯」。

本來想睇「極速緋聞」嘅我，因為港島無咩戲院仲上緊，
唯有先睇另一套心水「殺人犯」。其實全院差唔多爆咗，
不過一個人睇戲就真係易買飛啲。我之前無睇過片頭，
無睇過任何雜誌影評，可以講得上係白紙一張入場。

睇完之後，好頭痛！

我頭痛意思唔係套戲差，我其實覺得好好睇！
尤其以港產片嚟講，真係幾少有。只係睇完之後，
真係幾sad，好鬼唔開心，屈住屈住咁。

返嚟上網睇番人哋啲影評，讚同彈都各佔一半。
當然有人會鬧城城浮誇，又話故事犯駁，
一味係度賣弄血腥，唔似邊套西片咁有深度咁。
我其實都唔反對，對我嚟講，故事係滿分！
因為我真係估佢唔到，而且我竟然覺得好寒，
我睇「康州驅魔實錄」都無，佢一路解畫，
有幾個位寒到我吖！至於犯駁與否，我覺得已經拍得好通，
仲會令我諗番好多前面啲片段，心裡面暗叫：
「唔怪得之前硬係覺得怪怪哋啦！」

另外，我好鍾意個開場，同埋啲風境大wide shot，
滿天都係鷹，好平靜嘅湖，對狂爆嘅故事形成强烈對比。
其實睇得出城城好盡力做，但係感覺佢啲文戲唔夠放鬆，
成日都起晒槓咁，不過啲暴燥表情係佢强項，都幾到。
而我最欣賞佢開焗爐個反應，真係好好。

總括嚟講，我點都會叫人入場睇。香港電影，
好少有哩啲戲啦！有人話係導演有具心扮西片，
我覺得人地係有誠意啫。有時唔駛吓吓同人地套戲比，
人地果套玩得盡又要跟，第二套好多批判思想又要跟，
咁不如睇番人地果套算啦！

講真，拍戲唔係一定要好深層次啫。

不過少女們，切勿唔敢睇遮晒眼，又係度狂問男友而家點，
我會鬧爆你哋！

別要夢遺

作為打工仔，很難避免每天都過着重覆的生活。

重覆，代表有紀律，也可解作乏味。

由星期一早上睜開眼睛開始，相同的車程，
不變的早餐，差不多的工作，見慣了的情境...
就算樣樣順利完成，但日子久了，總會悶。

然而有不少破解方法。如果你有錢有假有伴的話，
當然可以去瞬間看地球。又或者在放工後，
盡情參予一切酒吧活動，是娛樂是放鬆或發洩都好，
務求每天回家便可過倦入眠。

一年前，我每逢星期五的晚飯地點都要在深圳，
因為無論食物環境還是深圳街頭，都令我開了眼界，
新鮮感十足。在飽覽各式平貴美食後，指定動作
便是再到酒吧熱舞一番。但人就是善變的，
一旦連娛樂都是不斷地重覆，享受都會變成無感覺...

就是這個純粹求變的心態，今年五月初，
我參加了一個錄像比賽，馬馬虎虎的劇本，
拖拖拉拉的進度，總算真的順利拍完了。
會得獎嗎？不知道，心裡總覺得勝算不高！
但又如何哩？就如六合彩攪珠前的幻想，
我已令自己發了一個好夢，於我而言，
這是值得為自己驕傲的開心事。

未來的幾個月，我將會發一個更大的夢，
認真程度連自己都有點驚訝！

因為我要拍更長的片，而且還要參加IFVA。

上次「發夢」，聚集了幾個有心有力的「同志」，
這次，就讓我們發個更轟烈的美夢！

雖然興奮，但別要夢遺。





鳴謝所有仗義的同志們！

茶樹 • 寵愛《 60 》﹣ 小忌廉

「是我叫牠走的！」

昨天，CM告訴我，忌廉走了。

十多年前初認識CM，他家裡有只有一頭小狗。
牠便是忌廉，是一頭西施狗女。

忌廉聲音洪量，而且對訪客絕不客氣。
你進門口時牠吠你，你坐下來不動又吠你，
但你坐得久了，你稍為有點小動作又吠你...

我那時見牠吠得太兇，便作勢罵牠，
牠便邊吠邊向後移，走入茶几底繼續發惡。
但別以為牠得把聲，當我罵完後，在我轉身
的電光火石之間，腳上一痛，小腿即時掛彩！
我揭起牛仔褲管檢查傷勢，發現兩個小紅點，
正在緩緩地躺血，隱隱作痛...

如今，忌廉差不多十六歲了，對狗來說已是高齡。
牠的叫聲依舊不變，只是反應變得很慢。
CM很清楚忌廉時日無多，心裡已作最壞打算。
幾星期前，CM發現忌廉躺在廳中地上四腳亂抓，
卻又站不起來，情況持續兩天。

彌留之際，CM正為忌廉清理身上的污垢，
期間在牠身上輕拍，告訴牠別要勉强自己受苦，
舒服點走便好！然後，忌廉終於在CM手中過身了。
CM告訴我，忌廉應該知道自己不行了，
但在最後的生命裡，總想留在CM身邊才肯合上眼睛...

作為聆聽者的我都濕了眼眶，何況那時那刻的CM...

然後，我看着快兩歲大的茶樹，泛起一絲不安與難過。






茶樹&茶樹老豆：忌廉R.I.P.

身痕

最近，想攪機！

吖唔係，其實係想買一部單鏡反光相機。

其實我對電子產品無咩研究。例如我唔識砌電腦，
咁大個仔都只係買過一部手提電話，無高清電視，
另外用咗六年嘅數碼相機，都係以前女友送嘅...

有一晚，同一位有影snap shot習慣嘅朋友MSN,
佢提議我買Olympus將會新出果部E-P1，
唔睇無事，一睇就中招！因為真係幾靚仔喎。
我無咩攝影經驗，又無鍾情邊隻相機牌子，
只係對Olympus感覺唔差。

如果話我買嚟想學影相，啲行家個個都話哩部麻麻！
咁我當普通DC用啦，又有人會話唔駛買咁貴DC...
最慘嘅係，我都覺得佢哋講得有道理！
何況價錢相對其他DC都唔係平。

不過人有時係咁衰，明知啲嘢唔係最實用，
你又偏偏會死心塌地咁鍾意。原理好簡單，
正如你買衫，都唔會因為件衫夠多袋而買呱，
功能同實用性，有時都敵唔過外面。

希望見到現貨果陣，有得平啲同埋質數好啦！


茶樹：「一早要買啦，成日影到我黑到一PET咁！」
茶樹老豆：「咁你本身係黑到一PET有咩計～」



白色好鬼靚仔！

Respect

「媽媽你好嗎？你今年幾多歲？
我想看還有多少年可考順你！」
在星期日檔案中，一名正生書院學生的母親，
讀着兒子的來信，感觸落淚。

坐在電腦前的我亦然。

今天的社會，人愈大，就愈難承認自己犯了錯。
但對不起，請問你是邊位？為何不會錯？
而且不能犯下太錯。為何你今天犯了大錯，
便不去承認、面對，更要砌詞推卸責任？
騙人亦騙自己。

因為梅窩的風波，使這間創校二十多年，
但設施依舊不足的正生書院史無前例地暴光。
不論公論如何，於我而言，每次看着報導，
都為他們的師生而動容。

他們雖然只有十三來歲，但比很多大人還成熟。
形響學生們的，就是那些以身作則的老師。

正生的學生所擁有和沒有的，剛好和時下年青人相反。

沒有娛樂，也可以快樂：
沒有美食，也可以美味：
他們錯過，知錯，並且改過。

十分尊敬正生書院。

茶樹 • 簡愛 ( 15 ) - 好好道別

晚上到了靈堂，很多親戚都在忙着摺紙元寶。

舅父曾笑言用婆婆少女時的照片作遺照，
就我現場所見，放在靈堂正中央的，
不是最老也不是最後生的照片，向舅父查詢，
是二十年前的婆婆，再問明原因，
原來這跟外公的遺照是同一幅相片。

我真的覺得很有心思，也許不是新鮮事，
但我真的沒有想過這種做法。

婆婆走完了她的人生路，在另一個世界跟外公相遇，
我默默對着婆婆的遺體說了的話，希望她都能聽見。

沒有婆婆，也就沒有我。
我們的情感並沒有因為離別而斷絕。

以後每年生日，我都會更想起婆婆。

I Believe

人與人之間，必須存在基本的信任。

極端一點來說，就像你根本看不見火星，
但你又確信她是真實地存在。這分信任，
究竟是從哪裡來的呢？是來自從少的教育，
還有媒體多年的更新報導，而且身邊的所有人，
從來都是沒有質疑地相信着...

好了，我問你：

火星不可以是虛構出來的嗎？
不可以是科學家的騙局嗎？
你去過火星了嗎？

對，你會有一個接一個的理由推翻我的假設！

老實說，我對火星的存在是毫無疑問的。
很多東西，我們都不可能親身經歷才相信，
人總要靠相信別人的說話和經歷而生活。

話說回來，又不是所有公認的事，就必是絕對。
就如實施鎖國政策的北韓，人民連手機都沒有，
他們對世界的認知，相信很多都與真實不附。
如果你生於當地，政府告訴你世上根本沒有宇宙，
也許你亦深信不疑。

如此這般，我們又該凡事都質疑嗎？

不同的環境，就會造就不同的「事實」，
所以判斷每件事，都應該好好地自行分析。
便不容易做出令自己後悔的決定。

閱讀障礙

有一點可以肯定的，我不喜歡文字，

我居住在銅鑼灣的中心地帶，整條街道，
都充滿各式的樓上舖。除了咖啡店和髮型屋，
還有書店。

雖然近水樓台，不過我怎少主動走到書局打書釘。
從前大多是陪女朋友才到書店，如今自己一個人，
除了因為買雜誌，很少為了消磨時間而去。

雖然有目的才去書局，但如果不是太趕時間，
我都會逛一下才結脹。有時看着這本封面不錯，
那本書名又夠吸引，自然會打開閱讀。

說來奇怪，我明明很想知道內容才動手翻閱，
又沒有誰催促我放下書本，但我通常讀不到第三行，
就會突然意興闌珊地合上，又跳去讀另外一本，
如是者走馬看花，還是不知那本好看不好看。

我站在其他專心看書的人堆中，想起讀書時期，
被老師點名諗書，我真的可以字正腔圓地讀，
心裡卻完全隔離了內容和意思...

原來我只要精神不夠集中，每當對着密集的文章時，
自然地把文字當成一些純粹發音的圖像罷了。

怪不得從前讀書總是讀不入腦，這是身不由己，
該可以為從前無心向學辯護了吧?

哈~