原來茶樹同亂馬一樣，遇到水就會變身，
唔信你睇吓...「黃昏去狗公園時係松鼠。」
「返到去沖涼就變咗chiwawa。」
Saturday, March 22, 2008
茶樹 • 寵愛《 44 》﹣方法演技
茶樹：「媚姨介紹我嚟試鏡㗎導演，我識做好多表情㗎。」
茶樹：「哩個係憂鬱。」
茶樹：「仲有扮鵪鶉。」
茶樹：「扮成奎安。」
茶樹：「扮HSBC隻肥獅子。」
茶樹：「扮埋中銀嗰隻。」
茶樹：「扮Cute...」
Monday, March 17, 2008
茶樹 • 寵愛《 43 》﹣華麗邂逅
原來香港只有人類的註冊營養師，並沒有專門針對寵物的。
後來我知道，我家中那本「狗狗食得天然」的作者，
是香港首位寵物營養師，她名叫蘇菁菁。
老實說，我對一般寵物店的印象很差，尤其今夜買狗糧時，
看到籠內三隻貓的眼睛都「大細超」，明顯出了毛病，
除非有人買下牠們，不然都不會有人為牠們即時治理。
環顧四周，有店員在收錢或點貨，有些在閒話家常。
感覺有如去了雜貨店，不同的是貨物沒有生命。
我不知他們有否義務去確保動物的健康良好，
或許他們都只是在打份工，我不敢、也不能說他們有錯，
只是感受到這些賣寵物的地方都沒有「愛心」。
今天下午，拜訪蘇菁菁在太古新開業的寵物用品店。
初見門面，還以為是一間高級西餐廳。入內細看，
更有點位於禮頓道那間Agnes b花店的感覺，
而最重要的，是在店內逗留了半個小時，他們沒有硬銷商品，
沒有問我們：「要咩呀幫你搵呀先生！」然後便依附着你左右。
菁菁見到我們，有禮地向我們問好，然後問我們小狗的名字，
禮貌地告訴我可以在放茶樹在店內走動，也可為茶樹拍照，
我們還問了很多關於小狗的問題，她們也大方地為我們解答，
舒適的氣氛，感覺有如和相識很久的鄰居聊天一樣。
我帶着他們印制的小冊子離開，站在街上看着，
了解多點他們開業目的與理念，我不想胡亂在此轉述出來，
但心裡不其然對他們多了一份尊重。
O.I.C. website:
www.oic.hk
「石屎森林下的O.I.C，老實說真的給了我一份驚喜。」
「3月23日舉行的『腳印印』領養日。」
茶樹：「老豆哩度好舒服喎，地板都靚過人。」
茶樹：「咦！有其他狗仔喎...等我補補妝先。」
茶樹：「嘩！我第一次見有狗仔細隻過我呀。」
茶樹：「乜你咁主動㗎。」
茶樹：「菁菁姐姐有嘢食喎...」
茶樹：「我即刻Sit先，睇吓我幾乖。」
茶樹：「嘩你睇住錫到我，初吻嚟㗎。」（這隻三歲大的chiwawa是我見過最乖的，不亂吠又聽話，原來年幼時參加過訓練班）
Saturday, March 15, 2008
Tuesday, March 11, 2008
女孩哭了 我心甜了
先旨聲明，我不是在扮感性。
記得年幼時，我已很喜歡畫公仔，每年小學用剩的校簿，
便是我創作的天堂。在上面畫東畫西畫故事，很容易便畫滿一本。
遇到暑假來臨，動不動便可以畫上一個通宵，
在家人全部安睡的狀態下，獨個兒霸佔一整張飯枱，
寫意地發揮自己無謂的幻想，無聊得來又鬼咁滿足。
畫好的，會給阿哥阿妹看，又會帶回校給友好同學分享。
如今大了，看着今天的小朋友，精通各種電玩，
舊了，又買新的。那些我要很大個才買得起的遊戲機，
幾歲的塞豆窿已經玩到唔玩。我不是要論說什麼是非對錯，
始終今時不同往日，只不過搭地鐵時看到對面的四眼細路，
不停在聞部遊戲機，而他母親只呆坐鄰座。到站，落車，
四眼細路仍專注着畫面，前面有舊金都真係執唔到。
前天，我由將軍澳站回銅鑼灣。身旁一家三口，
小女孩天真地跟父母交談，而父母也很有心機地回答她，
後來爸爸要先下車，約定女兒晚上再一起看些什麼，
女孩突然淚流滿面，不是扭計，是不捨得。
她一邊哭，一邊拜拜，直至看不見他，轉身乖乖坐下來。
母親安慰着女兒，跟她說着其他事情，不久便破涕為笑了。
看着小女孩水汪汪的眼睛，令我窩心到不得了。
茶樹：「水汪汪的黑眼睛，係咪咁呀～～」
記得年幼時，我已很喜歡畫公仔，每年小學用剩的校簿，
便是我創作的天堂。在上面畫東畫西畫故事，很容易便畫滿一本。
遇到暑假來臨，動不動便可以畫上一個通宵，
在家人全部安睡的狀態下，獨個兒霸佔一整張飯枱，
寫意地發揮自己無謂的幻想，無聊得來又鬼咁滿足。
畫好的，會給阿哥阿妹看，又會帶回校給友好同學分享。
如今大了，看着今天的小朋友，精通各種電玩，
舊了，又買新的。那些我要很大個才買得起的遊戲機，
幾歲的塞豆窿已經玩到唔玩。我不是要論說什麼是非對錯，
始終今時不同往日，只不過搭地鐵時看到對面的四眼細路，
不停在聞部遊戲機，而他母親只呆坐鄰座。到站，落車，
四眼細路仍專注着畫面，前面有舊金都真係執唔到。
前天，我由將軍澳站回銅鑼灣。身旁一家三口，
小女孩天真地跟父母交談，而父母也很有心機地回答她，
後來爸爸要先下車，約定女兒晚上再一起看些什麼，
女孩突然淚流滿面，不是扭計，是不捨得。
她一邊哭，一邊拜拜，直至看不見他，轉身乖乖坐下來。
母親安慰着女兒，跟她說着其他事情，不久便破涕為笑了。
看着小女孩水汪汪的眼睛，令我窩心到不得了。
茶樹：「水汪汪的黑眼睛，係咪咁呀～～」
Sunday, March 9, 2008
Tuesday, March 4, 2008
茶樹 • 寵愛《 40 》﹣首日沖
茶樹：「......」
茶樹：「......」
茶樹：「見咁好禮，好啦，就簽約俾『纖甩髀』做代言人啦。」
茶樹：「咦！好多姊妹係度預備試鏡喎。」
「我要變靚Ｄ，變靚Ｄ...。」
「Oh，小姐好面善喎，第一次嚟玩呀，試吓我哋嘅露天風呂哩，全銅鑼灣最出位㗎啦。」
茶樹：「係咪男女同浴㗎？」茶樹：「做咩無啦啦反轉我？咦！你咪係唐X麒！」
「嘩！新女上場，嗒得杯落喎。」
茶樹：「第一次沖涼，舒服晒囉～～」
茶樹：「梳番靚補補粉先！」
茶樹：「阿唐X麒你啲手勢都幾好喎，過檔啲嘢我滿約同妳認真諗諗佢！」
茶樹：「唔該俾啲港姐出場音樂...登登登...」
茶樹：「我咁靚你班麻甩佬仲唔死。」
茶樹：「然後做埋Rejoice定沙宣代言人好呢？靚女真係寧舍多煩惱。」
Sunday, March 2, 2008
點解個個癲嘅都當自己係藝術家
引用巴士阿叔金句：「你有壓力！我都有壓力！」
香港人壓力大，怕失業怕無錢怕俾老公打怕乜怕物，
精神長期崩緊，思緒陷入膠着狀態，好多人表面正常，
其實裡面都係「壓力煲」，睇上去正常好地地，
背後可能已經攪咗場大龍鳳。
平日遇到周遭有傻佬大聲胡言亂語，最多運路行避之則吉。
去HMV，見到不知洗頭水為何物，當自己去咗Neway嘅電車男，
我會走過兩行先至搵歌聽。又試過喺地鐵有人企正喺車箱中間，
挨住碌柱，成個中央領導人咁演講香港時事，十二生肖都迴避其目光，
我反而可以一笑置之，當去咗城市論壇，加多個食飯話題。
總之怪人度度有，不過，如果有位精神有問題嘅人，
佢同你係夾路相逢，而且日日相見，咁你就大電視。
啱啱我屋企樓下就有一位。
呢位瘋癲女仕，外面十分正常，年紀同我相若。
你望住我同佢，可能你會話我似傻佬多過佢似癲婆，
此女行徑極端，總之外面斯文，行為擾人。
「往績」包括：
1. 將廢紙傳單postcard貼滿自己門口，再加上甩色Marker大字，
內容古靈精怪九唔答七，及後「墨寶」更伸延至地下信箱。
2. 唐樓樓梯闊度有限，佢就當正係自己嘅真我工作坊。
擺到一地雜物，有衫有水有垃圾有膠箱有舊雜誌應有盡有。
3. 更嚴重會放天拿水火水桶一堆玻璃樽喺正路中心，
仲有包新開嘅炭。
起初只係玩靜物裝置藝術，整整吓開始嚟料，
有一次佢無帶鎖匙入唔到屋，悶悶哋喺門口燒雜誌，
好彩我咁啱返去餵茶樹先發現，我拿拿聲落去用水淋熄啲火，
佢笑笑口當無嘢，但係啲煙入晒我間屋。
之後有半夜喪掉玻璃樽去樓梯轉彎位，嘭嘭聲咁爆晒樽。
加埋啲光管碎一地都係，我開完夜返嚟以為打完仗，
仲有啲天拿水味充折四周，我即晚報警備案，
再單聲俾消防知。最奇係佢每次攪亂幾日，
就自己會清理番，當然好多污漬喺清潔唔到。
講真，都擔心佢再玩火。
最新作品係今日，我頂佢當正自己係曾灶財，
倒到一地都係古怪顏料，仲開始係牆身畫公仔。
俾我撞正佢呢單暴行，我話佢我點落樓，
佢老闆問番我對鞋貴唔貴，叫我照行印啲腳印落樓下，
笑住話好好玩。
佢無傷人(暫時)，頂多叉佢無公德心，
我check過最多向食環署投訴，如果報消防，
都只可以睇吓有無違反防火條例。
每日都要行經佢門口，硬食佢嘅所作所為。
除咗搬，我可以點做呢？
茶樹：「老豆你係咁俾嘢我咬，唔係諗住放狗做嘢呀嘛...」
茶樹老豆：「佢試吓整親妳，老豆就真係做嘢啦...」
香港人壓力大，怕失業怕無錢怕俾老公打怕乜怕物，
精神長期崩緊，思緒陷入膠着狀態，好多人表面正常，
其實裡面都係「壓力煲」，睇上去正常好地地，
背後可能已經攪咗場大龍鳳。
平日遇到周遭有傻佬大聲胡言亂語，最多運路行避之則吉。
去HMV，見到不知洗頭水為何物，當自己去咗Neway嘅電車男，
我會走過兩行先至搵歌聽。又試過喺地鐵有人企正喺車箱中間，
挨住碌柱，成個中央領導人咁演講香港時事，十二生肖都迴避其目光，
我反而可以一笑置之，當去咗城市論壇，加多個食飯話題。
總之怪人度度有，不過，如果有位精神有問題嘅人，
佢同你係夾路相逢，而且日日相見，咁你就大電視。
啱啱我屋企樓下就有一位。
呢位瘋癲女仕，外面十分正常，年紀同我相若。
你望住我同佢，可能你會話我似傻佬多過佢似癲婆，
此女行徑極端，總之外面斯文，行為擾人。
「往績」包括：
1. 將廢紙傳單postcard貼滿自己門口，再加上甩色Marker大字，
內容古靈精怪九唔答七，及後「墨寶」更伸延至地下信箱。
2. 唐樓樓梯闊度有限，佢就當正係自己嘅真我工作坊。
擺到一地雜物，有衫有水有垃圾有膠箱有舊雜誌應有盡有。
3. 更嚴重會放天拿水火水桶一堆玻璃樽喺正路中心，
仲有包新開嘅炭。
起初只係玩靜物裝置藝術，整整吓開始嚟料，
有一次佢無帶鎖匙入唔到屋，悶悶哋喺門口燒雜誌，
好彩我咁啱返去餵茶樹先發現，我拿拿聲落去用水淋熄啲火，
佢笑笑口當無嘢，但係啲煙入晒我間屋。
之後有半夜喪掉玻璃樽去樓梯轉彎位，嘭嘭聲咁爆晒樽。
加埋啲光管碎一地都係，我開完夜返嚟以為打完仗，
仲有啲天拿水味充折四周，我即晚報警備案，
再單聲俾消防知。最奇係佢每次攪亂幾日，
就自己會清理番，當然好多污漬喺清潔唔到。
講真，都擔心佢再玩火。
最新作品係今日，我頂佢當正自己係曾灶財，
倒到一地都係古怪顏料，仲開始係牆身畫公仔。
俾我撞正佢呢單暴行，我話佢我點落樓，
佢老闆問番我對鞋貴唔貴，叫我照行印啲腳印落樓下，
笑住話好好玩。
佢無傷人(暫時)，頂多叉佢無公德心，
我check過最多向食環署投訴，如果報消防，
都只可以睇吓有無違反防火條例。
每日都要行經佢門口，硬食佢嘅所作所為。
除咗搬，我可以點做呢？
茶樹：「老豆你係咁俾嘢我咬，唔係諗住放狗做嘢呀嘛...」茶樹老豆：「佢試吓整親妳，老豆就真係做嘢啦...」
Subscribe to:
Comments (Atom)